مركب همومي

مركب همومي في محيطات وبحور
وكل ما طويت الشراع مد البحريـا
والموج عالي وخاطري حيل مكسور
ولامن جبرلي خاطـري لانكسريـا
اكتب الخط مايل ماهو على سطـور
ومدري الخط مايـل والا السطريـا
وعـزاة ياقلـب يعانـي ومقهـور
وكل ما يجي طاريـك زاد بقهريـا
انت ربيع العمر وانت لـي زهـور
وش هي حلات العمر بليـا زهريـا
اسمك نقشته داخل الروح محفـور
تمشيه عروقي وايتواسـع حفريـا
كنت احسب غيابك يومين وشهـور
وطول غيابك دهر ماهـو شهريـا
عقبك حبيبي كني بويـت مهجـور
ولحد سكن به عقب ذاك الهجريـا
اللي يقول من القدر حيـل حـاذور
قدر ربـي يجيـه مهمـا يحذريـا
مضنون عيني ساكن وسط القبـور
وكم ليلة ساهـرت عنـد القبريـا
اضحك واجامل معظم الناس مجبور
ويدرون كسر القلب مالـه جبريـا
ماكل من يضحك سعيـد ومسـرور
الفرق واضح بين حـزن وسرريـا
عساك بالرحمه وكل ذنـب مغفـور
وعسا كل ذنب مسلم ربي يغفريـا
مركب همومي للغرق حيل مخطـور
وكان البحر ذكـراك دايـم خطريـا