يقُولْ : أمُـوت علَـى يَـدْ وَقتٍ .. عِشْقَـه [ لَوْيَـة يمينِيّ ] !

أَسَمِّـي بَـه هُـوَ اللهْ سَهَّـلْ بالشِـعِـر درُوبِــي
......................... ورُغمْ كِـلّ إللِّـيْ أعآنِيـهْ .. عَـنْ خَلْقَـه مغْنِينـيِ
رجِيتِك يآهمس ونَـا إخْتِـكْ خَـلِّي سَمعِـك بصُوبِـي
......................... وافهَـمي فَحْـوَى كلآمِـي وبالـشَـرح لآ تِعَنّيـنـيْ
أنا طِفْلَـه غَبِيّـه .. وغبَآئِـي هُـو أكْبَـرْ عيوُبِـي
......................... أسَلّـم للِبِشَـر مِخْيَـط وِبِـدالْ إلْخِييـط / خِيطِينـي
تَعَرّفـتْ علَـى بنـتٍ ، صـآرَتْ أعَـزّ مَطْلُـوبِـي
......................... عشَقتهآ مِنْ قلْبَ إلْجُـوف وتآلِـي اللّيـلْ تسَلّينـيْ
وبيُوم عَطَتنِـي أبيَـاتٍ تِبِيهـآ بصُوتِـي إلْمَحْبُوبـي
......................... قلتْ : لتِسْ أنآ كِلِّـي .. وعَطِيتَـه عُقـبْ يُومِينـيِ
قآلَت ترآ صُوتِك روَانِي مثـلِ مَـآ زَمْـزَم إعْذُوبـي
......................... ذِبتْ بقُوّه أنـا عِنْـدَه ، وحِسِّـكْ صـآر " يِغْرِينـيْ "
مِثِل شَهْقَة طِفلْ يَرْكِـضْ وقالَـوا عَنّـه [ لعُوبِـي ]
......................... شِـوَيّ شِـوّيّ بِـدآ يِهْـداَ ، ويِتخّلّـلْ بشِراييـنِـي
قِلتْ غرِيبَه هالنّبْرَه ! صآحَتْ [ بأفَرّغْ لتسْ جيُوبيْ ] :
......................... تَعلّقتْ أنا بـسِحْرٍ ، وطَلَعتِي إنتِـي اللّـي سحرتِينـيْ
صرَختْ وقِلت لهَ تِكفَـى ! تراَهَـآ تِنشَـبْ حرُوبِـي
......................... ضحَكْ ماهَمّه صرآخِـيْ ، وسَـال إلدّمْـع مِن عينـيْ
قلتْ ياوَلدْ إبْعِد ، تـرَا ثُـوب إلْحِشْمَـه هُـو ثُوبِـي
......................... وصَارْ يِصْدَح بـإذنِي [ إرْكِعِـي تحـتْ رجْلِينـيْ ] !
قـالَ أنـا بأنْشِـر هالمَقْطَـع بيَاهُـو ولاَّ يُوتيُوبـيْ
......................... وأخَلّيـكْ بِقْعِـةٍ سُـودآ لَحَـدّ مـا تِمِـلّ يَدّيـنـيْ
قلتْ رِحْ عَسـى إلتوْفِيـق بشـرقٍ وإنـتْ بِجْنُوبـيْ
......................... ورَبّـيْ يَاخِـذْ بحَقِّـيْ هُـو حَسْـبِـيْ ومَكَفّيـنـيْ
مَرّت السّنَه بسِرْعَهْ ، وغرُوبْ إلشَمسْ هُو غرُوبـيْ
......................... أمُـوتْ ألْـفٍ بيُومِـي ، وأحِـسّ إلنّـومْ جافِيـنـيْ
وهَذِي قِصّتِـي ياهَمـسّ خَطّيتهَـا بنَـزفٍ طرُوبِـيْ
......................... يقُولْ : أمُوتْ علىَ يَدْ وقتٍ ، عِشْقَه [ لَوْيَةْ يمِينـيْ ]