نمـت وصحيـت

--------------------------------------------------------------------------------

السلام عليكم ورحمة الله وبركاتة

أسمحولي من القصور وأقول








سر ياقلم وإكتب على كل طـاروق
وأكتب سلامي للغظي بكـل طرقـا
قلّه غيابه زادنـي اليـوم بحـروق
وكم روح غالي بسبة الشوق حرقا
من دونه كنّي غيمةٍ مابهـا بـروق
وماغير شوفه يضوي الكون برقـا
ترى البشر دم وشراييـن وعـروق
وش حيلته لو إنقطـع فيـه عرقـا
نمت وصحيت وصبّح القلب مسروق
والعين تغافل تسرق النـوم سرقـا
روح مرتاحه وروح تشقا بها فروق
وبين السجين وحر مليـون فرقـا
ياما سهرت وأنتظر رحمة شـروق
وماعاد تفرق شمس غروبٍ وشرقا
تتوتر أعصابي ومن ثمـا إتـروق
وفي عالم العشـاق آهيـم وأرقـا
ويامل عيـن دمعهـا دوم مـدروق
وش يستره لاصار ع الخـد درقـا
اللي تحدّى الموج تاليـه بغـروق
وروحي بأمواج بحرك اليوم غرقـا