[sizeالسلاام عليكم ورحمة الله وبركاته
واسعد الله أوقاتكم بالخير واليمن والبركه
مصافحه جديده
أتمنى
أن ترتقي لذائقتكم
وأن تجد منكم القبول والأستحسان
.....
لا إطاله .. فالخير دوماً ..في إيجاز المقاله
إليكم ماكتبت
دن الفكر حبكه .. على غيـر ميعـاد
في ليلـةٍ قمـرى .. تجلـت طويلـه
في ليلـةٍ .. فيهـا تباشيـر وأنكـاد
ليـلٍ تغرهـد.. والحنـش ترتكيلـه
لللٍ تمصهـر .. والهواجيـس تـزداد
حتـى تبيـن لـي .. نحـره وشليلـه
ساحت به أفكاري .. على راعبٍ جاد
غـرواً .. حسبنـي بنثنـي وأرتخيلـه
غـرواً حسبنـي .. للدنافيـس وراد
مايـدري أنـي .. كاسـبٍ للنفيلـه
بقول له كلمه .. على روؤس الأشهاد
وعل وعسى .. يفهـم كـلامٍ يجيلـه
يومي دخلت النت .. يابنت الأجـواد
وأفنيت أنا وقتي .. وسقـت الجزيلـه
ماجيت أدور .. عرف غضات الأنهـاد
وأرجي وراء .. قرب العذارء حصيلـه
جيت أجلي الضيقه .. مع الخلق وأستاد
وأسلـي الخاطـر .. بفرحـه قليلـه
وأناظر علومٍ .. سمى فيهـا الأجـداد
وأوثـق أفعـالاً .. بنتهـا القبيـلـه
وأصادق الي .. صار سـمٍ للأضـداد
وأجنب .. أصحاب الدنس والرذيلـه
لاشك أنا مانـي .. شفوقـاً وطـراد
وش لي على قرب .. الجفول الهزيلـه
مالي على جالك .. مداهـل ومقعـاد
منـك الحنايـا .. والنواظـر عليلـه
جاك الكلام .. الي من الـرأس منقـاد
هـرجٍ مقفـى .. ماعسرنـي ثقيلـه
والرب يأمر بالملاء .. كيـف مـاراد
آمنت بـه .. وأسلمتلـه يالكحيلـه
ولاعاد هـرجٍ .. ماحكمنـاه لاعـاد
هرجٍ نطقتـه .. كيـف أدور بديلـه
والختم أصلي .. عـد ماهـل رعـاد
على شفيع الخلـق .. راع الفضيلـه
علماً
أنها مصافحه أخيره
.......
هذا
ودمتم
بخيراً وستراً وعافية
=24][/size]
الثلاثاء أكتوبر 06, 2009 3:33 am